Sera konosi ku tofu
March 12, 2024 2024-06-09 21:29Sera konosi ku tofu
Bo sa pasa dilanti di e tofunan den supermarket sin sa kua bo tin ku skohe? Mi a skibi e guia aki pa bo, pa judabo skohe e tofu korekto ba bo platonan por sali dushi.
Silken Tofu
Aki na Korsou bo por hanja Silken tofu den diferente textura: Soft, Firm i Extra Firm
E silken tofu tin un textura moli i esaki no ta e tofu ku bo ta uza pa hasa of kushina na luga di karni. Si bo ta un eksperto den tofu kisas bo por logra kushina e silken tofu di un manera ku e ta mantene su textura pero si bo ta un beginner esaki ta algun kos ku bo por hasi ku e silken tofu.
- Dips
- Sauce
- Smoothie
- Dressing
- Spreads
- Scrambled Tofu
- Sopi
- Dessert
Soft Tofu
Soft Tofu tin e mesun uso ku silken tofu. E textura ta djies un tiki diferente. Usa e soft Tofu meskos ku bo ta uza e solken Tofu.
Firm, Medium Firm i Extra Firm Tofu
Esakinan ta e tipo di tofunan ku bo ta kushina mas fasil ku ne. Nan ta mantene nan textura, nan no ta kai foi otro i nan ta absorbe smaak mas miho. Tin mil un kos ku bo por hasi ku e tofunan aki. Aki mi ta lista algun.
- Stir-Fry
- Scrambled Tofu
- Sate
- Salada
- Taco’s
- Nacho’s
- Burritos
- Sopi
- Snacks
- Smoothie
- Dressing
- Grill
No tin un manera robes di kushina Tofu
E dushi di tofu ta ku bo por huza bo imaginashon. Bo no tin mester di keda mara na e lista nan aki riba pero bo por eksperimenta i uza e tofu na e manera ku abo ta prefera.
- Bo ke sinja kushina kumindanan vegetariano simpel pa promove bo salu? E buki aki tin 250 resetanan ku por yudabo sinja kome mas saludabel. Ta dushi ora bo jega dokter i e bisabo ku bo salu a bai dilanti of no? Dor di sinja kushina saludabel esei ta posibel pa motibu ku e tin resetanan spesifika na e organonan i sistemanan di nos kurpa. Pues resetanan pa promove por ehempel nos bista, nos arterianan, nos metabolismo, nos sanger, nos kueru etc. E ta obtenibel na Ingles, Spanjo i Franses.
E buki aki ta vooral pa:
- Personanan ku ta sufri di malesanan kroniko manera preshon i diabetes.
- Personanan ku ke baha di peso.
- Personanan ku ke baha e kantidat di remedi ku nan ta uza
- Personan ku ke promove salu den nan kas
- Personanan ku ta bende kuminda.
- Tur sobra hende.
Awe ta e dia pa bo kuminsa traha riba bo salu. Bestel awe mes i no laga dia sigi bai mientras bo salu ta sigi bai mas patras.
Pers bo tofu pa un miho textura
Dor di pers bo tofu saka tur e awa for di dje, e tofu por absorbe e smak ku bo ta dune mas miho. Esei lo pone ku bo kuminda lo smak hopi mas dushi. Lora e tofu den un panja i pone kosnan pisa riba dje manera bukinan of weanan grandi i pisa. Korda ponele den un tajo pa fangu e awa. Si bo ke evita e hassle bo por kumpra un tofupress ku ta saka tur e awa di un manera mas fasil i effektivo.
Preserva bo tofu
Ora bo sobra pida tofu ku bo no a kushina bo ta warde den un baki ku ta tapa hermetisch. Hinke den e baki i jena awa den dje, tapa e tofu bou di e awa. Tur dia bo mester kambia e awa i e por keda 3 pa 5 dia den frishidel. Bo por lore den un plastic of pone den un freezerbag i warde den vriezer, asina e por keda bon pa algun luna.
Bo por sasona bo tofu i lage para trek mei ora den frishidel pa e kue su smak bon. Tofu ku bo a kushina kaba tambe bo por warda den frishidel pa 2 te 3 dia. Tur kos ta depende di e ambiente den bo frishidel.
Tofu ta un kuminda masha dushi basta bo prepare bon. Huzando e tipnan ku mi a dunabo aki e lo bira mas fasil pa bo tin exito ku bo tofu. Un kos ku sigur bo no mester tin ta miedu, pasobra ora ta trata di tofu bo por huza bo propio imaginashon i kreatividat.Tuma e kurashi awe di kumpra un bloki di tofu i kushina un plato delisioso usando Tofu.
