Kon bo dressing ta hasi bo salada insaludabel.
January 29, 2023 2023-11-28 19:34Kon bo dressing ta hasi bo salada insaludabel.
Kon bo dressing ta hasi bo salada insaludabel.
Awendia bo por bai den tur supermerkado òf toko i hanja masha tantu opshon pa dressing pa bo salada. Hopi bia e dressing nan aki ta wordu skohe a base di e kolo of e sabor. Pero den majoria kaso e dressing nan aki enbes di yuda bo ku bo salu nan por empeora e situashon. Ata aki algun manera ku bo dressing por hasi bo salada insaludabel.
1. Sodium
Apesar di echo ku sodium ta nesesario pa nos kurpa, nos mester tene kuenta ku e kantidat di sodium ku nos ta ingerí. Spesialmente pa personanan ku ta sufri di preshon e dressing por bira un trampa pasobra nan ta kome salada pa nan tin un dieta mas saludabel pero dor di usa e dressing e salada ya no ta dje saludabel ei mas. Pa e motibu ei ora ta skohe un dressing pa nos salda ta bon pa wak e kantidat di sodium ku e tin.
2. Suku
Hopi bia dressingnan ta bini tambe ku un kantidat grandi di suku, loke di mes ta hasi e dressing tambe insaludabel. Hopi bia e sukunan den tipo di produktonan asinaki ta “fructose corn syrup”, kual komiendo esaki den kantidatnan haltu por tinkonsekuensianan malu pa nos salu. Tambe nan sa pone sukunan artifisial ku ta trese mal konsekuensianan pa nos kurason. Naturalmente pa diabetikonan e dressing nan aki por ta funesto.
3. Zetanan Prosesá
Hopi bia e tipo di zetanan ku ta wordi huza pa traha e dressingnan ta zetanan ku ta prosesá manera e.o. zeta di Canola. E zetanan aki ta pasa den varios prosesonan kimiko kual ta pone ku finalmente e zetanan aki ta hopi oxida, kual atrobe ta malu pa nos salu.
4. Aditivo i preservativonan
Hopi produkto ku ta wordu bendí awendia tin ingredientenan skondí ku ta insaludabel. Algun di esakinan por ta Smaakversterkers, Preservativonan i otro maneranan artificial pa modifika sea e smak, kolo of otro aspektonan di e kuminda. Tipo di aditivonan asinaki mester wordu evita mas tantu ku ta posibel.
E miho solushon ta pa bo traha bo propio dressing di salada.
Tin hopi benefisio den traha bo mes dressing.
Un di nan ta ku bo dressing lo ta mas saludabel dor ku bo mes ta skohe bo ingredientenan natural i fresku pa traha bo dressing ku ne. Banda di esei bo ta trese variashon den bo kuminda komo ku semper bo por usa ingredientenan diferente pa traha bo dressing. Si bo tin ku bai kumpra dressing den tienda i bo ke un variashon lo bo tin ku kumpra diferente tipo di sabor. Esei ta nifika ku traha bo propio dressing na kas por asta sali bo mas barata.
Your Health in your hands
$18.00
Traha bo propio dressing ta lihe i fasil. Aki bou nos a fasilitabo un dressing basiko ku bo por traha na kas den menos ku 10 minüt. Esaki ta un dressing basiko esei ta nifika ku bo por adapte ku otro ingredientenan di bo smak. Por ehempel, ku yerbanan, siboyo, promenton etc.
E reseta aki ta na pagina 67 di e buki Your Health in Your Hands.
Reseta Dressing Basiko pa Salada
Ingredientenan:
1/2 kup zeta di olijfi
1/4 kup djus di sitrun of lamunchi
2 kuchara nutritional yeast
1 kuchara puree di konoflo
salu na smak
Preparashon
Pone tur ingrediente huntu den un boter, tapa e boter i sakudi e bòter pa tur e ingredientenan meskla ku otro.
Usa e kantidat deseá den bo salada, warda sobra den frishidel. E ta keda bon den frishidel pa algun siman.
